Dýrara í götustæði - Ódýrara í bílahúsin

Góð hugmynd. Svo lengi sem íbúakortin hækka ekki samhliða. Ég á lítinn bíl og á erfiðast með að fá stæði við húsið mitt eftir að gjaldskyldu lýkur. Held að margir af þeim sem þar leggja séu að sækja veitingastaði og bari í nágrenninu. Það væri mun betra ef þeir hefðu hvata til að leggja í bílastæðahúsum.

Bílastæðahús eru svo mikil bögg, flest (td bílastæðahúsið á myndinni) lokar kl 24 og opnar ekki fyrr en kl 7 um morgun. Hef oftar en einusinni fest bílinn þarna inni ef ég er komin rétt yfir 24 og svo er það að ef maður þarf að mæta einhvert fyrir 7 þá er billinn en fastur. Væri sammála þessu ef þau yrðu þá opin 24/7

Að við sem greiðum fyrir árskort í stæðin sem íbúar fáum bara ekki stæði nær heimilum okkar er orðið óþolandi, þetta gæti verið lausn á því að reynaaðfá gesti til að velja frekarbílastæðahúsin. Annaðhvort þetta, eða stækka íbúakortin yfir breiðara svæði. Eða bæði.

Fólk sem á leið í miðborgina leggur frekar í götur en bílastæðahús. Ætti að vera öfugt. Mikilvægt að nýta bílastæðahúsin betur svo íbúar geti lagt nálægt heimilum sínum.

Snildarhugmynd. Hætta öllu bìlastæđahringsòli og ná gòđri nýtingu ì bìlastæđahùsin.

Gögn um nýtingu bílastæðahúsa seinustu 4 mánuði sýna að nýting á bílastæðum í Stjörnuporti og Traðarkoti fer ekki yfir 60%. Þar eru því um 200 bílastæði sem fara til spillis. Önnur bílastæðahús eru betur nýtt, t.d. í Kolaporti og Ráðhúsinu. En í þeim er nýting um helgar mjög lítil, rétt um 20%. Hér er um að ræða auðlind í eigu borgarbúa sem fer í súginn. Það gefur augaleið að einhverju þarf að breyta svo meira gagn geti hlotist af.

Þetta er frábær hugmynd. Mín reynsla er að fólk gleymi oft bílahúsunum þegar það á leið í miðbæinn og fer að velta fyrir sér hvar eigi að leggja. Þetta gæti einnig orðið til þess að ferðamenn með bílaleigubíla notuðu bílahús en þessi hópur er áberandi í bílastæðum inn í íbúðabyggð miðborgarinnar. Það væri hægt að hafa þau gjaldfrjáls á nóttunni eins og var hér áður.

Góð hugmynd sem myndi ekki bara auðvelda íbúum að finna bílastæði heldur myndi þetta auka notkun og umferð í bílahúsunum. Lítið notuð bílahús eru jafnan óaðgengileg vegna þess hve tóm og skuggaleg þau eru.